Мөслимдә Бөтендөнья татар конгрессы җирле бүлекчәсенең хисап-сайлау җыелышы узды.
Чарада район башлыгы Альберт Хуҗин, Бөтендөнья татар конгрессы Башкарма комитеты җитәкчесе урынбасары – Татарстандагы бүлекчәләр белән эшләү комитеты җитәкчесе Ирек Шәрипов, Бөтендөнья Татар конгрессы Башкарма комитетының татар эшмәкәрләре белән эшләү комитеты башлыгы, татар эшмәкәрләренә булышлык итү Бөтендөнья ассоциациясенең Башкарма директоры Фәрит Уразаев катнашты.
Җыелыш барышында 15 кешелек идарә сайланды. Җирле бүлекчәнең рәисе итеп Нияз Габдрахманов билгеләнде.
