Нәзарәттә мөселман яшьләре һәм барлык теләүчеләр өчен Лекторий сезоны дәвам итә. Ул – очрашулар һәм фикер алышулар урыны, аларда өммәт тормышына караган иң мөһим темалар һәм дини мәсьәләләр карала. Очрашулар һиҗри буенча 1447нче елда билгеләп үтелүче Пәйгамбәребезнең ﷺ 1500 еллыгы уңаеннан үткәрелә.
Чираттагы лекция Җәннәт темасына багышлап үткәрелде – биредә Казанның “Гаилә” мәчете имам-хатыйбы Рөстәм хәзрәт Хәйруллин чыгыш ясады.
Очрашу Җәннәт, аңа ирешү юллары һәм Аллаһы Тәгалә белән мөселман арасындагы мөнәсәбәт хакында барды. Катнашучылар әдәп-әхлак, гыйбадәтләрдә ихлас булу һ.б. мөһим темалар буенча фикер алышты.
Рөстәм хәзрәт шулай ук сәдака, изге эшләр, Пәйгамбәребезнең ﷺ шәхесе буенча сорауларга җавап бирде.
Лекцияләр һәр айның соңгы дүшәмбесендә уза, чираттагысы – 24нче ноябрьдә. Рәхим итегез!
