Бу минутларда Нижневартовск шәһәрендә XXI Федераль Сабан туеның рәсми ачылышы башлана. Тантаналы ачылышта Татарстан Премьер-министры урнбасары, Милли Шура рәисе Васил Шәйхразыев  катнаша. Ул милләттәшләребезгә Татарстан Президенты Рөстәм Миңнехановның котлавын җиткерәчәк.

Рәсми ачылышта шулай ук Ульяновск өлкәсенә Сабан туеның символы да тапшырыла. Киләсе елга Федераль Сабан туе әлеге өлкәдә узачак.

19 июньдә Нижневартовск шәһәрендә милли көрәш үткәрелә. Ул шулай ук Бөтендөнья татар конгрессы сайты аша күрсәтеләчәк.