27-30 сентябрь көннәрендә Новосибирск өлкәсе Бердск шәһәрендә XI Cебер татар яшьләре фестивале узды. Фестивальдә Новосибирск өлкәсеннән, Төмәннән, Алтайдан, Кемерово, Томск һәм Казахстаннан талантлы яшьләр җыелган иде.

Алар 4 көн буена хореография, вокал, актерлык осталыгы буенча мастер-классларда катнашты, татар теле дәресләре алды, тарих, PR буенча лекцияләр тыңлады, интеллектуаль уеннар уйнадылар. Соңгы көнне фестиваль дәвамында әзерләгән гала-концерт куйдылар.

Мастер-классларны үткәрергә Казаннан К.Тинчурин театры актрисасы Гөлназ Науметова, Халык биюләре кафедрасы укытучысы Резедә Муллагалиева, популяр эстрада җырчысы Альбина Апанаева килде.

Зөһрә Вильданова