Кичә Новосибирскида «Тимерьюлчы» мәдәният сараенда «Себер йолдызы — 2026» һәм «Татар егете — 2026» финалы гөрләде. Анда 7  кыз һәм 7 егет чын осталык, талант һәм көчле энергетика күрсәтте. Быелгы гала-концерт театраль шоу форматында оештырылды, анда катнашучылар җырчы, биюче һәм артист буларак та үзләрен күрсә алды.

Жюри тавыш бирү нәтиҗәсендә «Себер йолдызы — 2026» титулына Вероника Бикмулина лаек булды. Аның ихласлыгы, нәфислеге һәм таланты тамашачыларны яулады. «Татар егете — 2026» титулына Салават Ваһапов лаек булды. Ул – чын татар егете үрнәге күрсәтте.

Калган кызлар түбәндәге титулларны алды:

• Иң назлы кыз — Лилия Җаббарова.
• Иң сөйкемле кыз — Альбина Әхәтова.
• Иң ихлас кыз — Элина Кангазина.
• Иң дәртле кыз — Вероника Бикмулина.
• Иң моңлы кыз — Зөлфия Курманбакиева.
• Иң зирәк кыз — Язгөл Ногоманова.
• Иң нәфис кыз — Эмилия Тилимбаева.
• Тамашачы мәхәббәте призы — Вероника Бикмулина.

Егетләр арасында номинацияләр түбәндәгечә бүленде:

• Иң тырыш егет — Салават Ваһапов.
• Иң ихлас егет — Әмин Бабшанов.
• Иң зәвыклы егет — Рөстәм Зыятдинов.
• Иң моңлы егет — Роберт Сабиров.
• Иң игелекле егет — Эльдар Сабитов.
• Иң оста куллы егет — Таймас Абдразаков.
• Иң сәләтле егет — Салават Сәитов.
• Тамашачы мәхәббәте призы — Эльдар Сабитов.

«Себер йолдызы – Звезда Сибири» һәм «Татар егете – Джигит» төбәкара конкурсы 2008 елдан бирле үткәрелә. Конкурс сәләтле яшьләрне ачыклау, аларны алга таба үстерәүне бурыч итеп куя. Проектны Бөтендөнья татар конгрессының Төмән өлкәсендәге вәкиллеге оештыра.