Ноябрь аенда Кәрим Тинчурин исемендәге Татар дәүләт драма һәм комедия театрының Мәскәүгә һәм Самарага гастрольләре көтелә. Тамашачыларга Илһам Гали пьесасы буенча куелган “Беренче мәхәббәт” тылсымлы комедиясе тәкъдим ителәчәк. 12 ноябрьдә әлеге спектакльне Мәскәүнең Мюзик-холл сәхнәсендә тамаша кылырга мөмкин булачак. 18 ноябрьдә “Беренче мәхәббәт” Самараның Киров мәйданындагы Мәдәният сараенда күрсәтелә. Спектакльләр 19.00дә башлана.

tinchurinteatr.ru