15 нче февраль көнне Бөтендөнья татар конгрессының Алексеевский районы вәкиле Алсу Нәҗми Олы Тигәнәле авылында “Тигәнәле уеннары” дип исемләнгән халык иҗаты бәйрәме уздырды. Бу чара авыл халкының бергәләп күңелле вакыт уздыруына, татар мәдәниятен һәм гореф-гадәтләрен яңартуны максат итеп куйган иде.
Бәйрәм программасы бик кызыклы һәм күпкырлы булды. Беренче чиратта, “Татар халык ашларын заманчалаштырып әзерләү” бәйгесе уздырылды. Бу бәйгедә катнашучылар, традицион татар ризыкларын заманча рецептлар белән баетып, жюрига тәкъдим иттеләр. Тәмле һәм оригиналь ашлар белән бергә, тамашачылар да үзләренең кулинар осталыкларын күрсәттеләр.
Икенче өлештә, ТНВ һәм Россия каналларыннан күрсәтеләчәк “Уйнагыз, гармуннар” тапшыруының Тигәнәле чыгарылышы булды. Шулай ук, илне саклаучылар елына багышланган район шигырь бәйгесе уздырылды. Бу бәйгедә катнашучылар, патриотик темага шигырьләр укып, тамашачыларга үзләренең иҗат җимешләрен тәкъдим иттеләр. Шигырьләрдән күз яшьләре һәм горурлык хисе узды, бу чараның патриотик рухын тагын да көчәйтте.
“Креатив чаналар” бәйгесе дә бәйрәмнең иң кызыклы мизгелләрнең берсе булды. Катнашучылар үзләренең иҗади уйларын чынга ашырып, уникаль һәм кызыклы чаналар әзерләделәр. Чаналарның дизайны, функциональлеге һәм оригинальлеге буенча жюри тарафыннан бәяләнде.
Бу чара ел саен уздырырга планлаштырыла, чөнки “Тигәнәле уеннары” халыкның бердәмлеген, мәдәниятен һәм традицияләрен саклауга зур өлеш кертә.
