Омск өлкәсе Усть-Ишем муниципаль районыннан 14 бала Актаныш районы «Бүләк» лагере базасында төбәк-ара профильле сменада ял итте.  Лагерь сменасы 22 июньнән башлап 9 июльгә кадәр барды. Балалар биредә вакытны күңелле уздырдылар һәм эчтәлекле ялдан канәгать калдылар.

Балаларны Казаннан Омск өлкәсе Усть-Ишем муниципаль районына Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Рәзил Зиннәтуллин озатты.