Бүген Омск өлкәсенең Тау авылына һәм Төмән өлкәсенең Вагай районына Татарстаннан гуманитар ярдәм төялгән 2 фура җибәрелде. Йөкнең гомуми авырлыгы 40 тоннаны тәшкил итә.
Ярдәм Татарстан Рәисе Рөстәм Миңнеханов йөкләмәсе буенча гамәлгә ашырыла.
8 майда Омск өлкәсенедә дамба җимерелгән. Кешеләрне вертолетлар һәм йөзү чаралары белән эвакуацияләгәннәр. Бигрәк тә Кайлы, Усть-Ишим, Ашеваны, Малая Игиза, Большая Тибендя, Эбаргуль авылларына зыян килгән.
