Омск өлкәсе Усть-Ишем муниципаль районын балалары Чаллы шәһәренең «Крылатый» лагере базасының «Дуслык» төбәкара сменасында ял иттеләр. Бүген, 26 август, смена тәмамланды.

Укучылар билгеләп үткәнчә, аларның ял турында бары тик яхшы хатирәләре генә калган. Туган якларына аларны Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Разил Зиннәтуллин озатып калды.