ДАНЛЫКЛЫ ЖЕЛТЫЙ АВЫЛЫНДА ОЗАК КӨТЕЛГӘН МӘДӘНИЯТ ЙОРТЫ БУЛАЧАК
Сарыкташ районының Желтый авылында Мәдәният йорты төзелеше турында мәгълүмат губернатор Денис Паслерның Инстаграм профилендә күренде.
Анда ул болай яза: “Без төбәктә бер генә ел тоткарланмаган социаль төзелеш проектлары белән шөгыльләнәбез. Көзгә без тагын бер озак вакытлы төзелешне тәмамлыйбыз – Жёлтый авылдагы Мәдәният йорты.
Аның төзелеше 2016 елда башланып, ел ярым эчендә тәмамланырга тиеш иде. Ләкин, финанслау кыенлыклары аркасында, эш алдан әзерләү этабында туктатылды.
2020 елда районга төбәк бюджетыннан максатчан акча бүлеп бирелде. Хәзер эшләрне башкару өчен аукцион игълан ителде. Жёлтыйлылар өчен бу бөтен яктан күптән көтелгән объект. Элекке ял итү үзәге ураган вакытында җимерелде, һәм дүрт ел дәвамында 1300 кеше яшәгән зур авыл мәдәни үзәксез калды.
Моны булдырырга ярамый – бигрәк тә Жёлтый кебек иҗади авылда, Оренбур паутинкаларын бәйләүче һөнәрче оста хатын-кызлары белән регионыбыздан еракларга дан тоткан авылга.
Хәзер иҗат коллективлары яңа заманча бинада очраша алачак. Монда Жёлтыйлылар һәм авыл кунаклары өчен, чөнки бөтен Россиядән кешеләр килә, зур китапханә һәм җирле туган якны өйрәнү музее ачылачак “, – диде төбәк башлыгы.
ЯФАР АВЫЛЫНДА ЯҢА ФАП БАРЛЫККА КИЛӘЧӘК
Агымдагы елның сентябрь-октябрь айларында Александровка районының күренекле мишәр авылы Яфарда яңа фельдшер-акушерлык пункты ишекләрен ачачак.
Яфарда яшәүчеләр яңа ФАП төзелешен күптән көтәләр. Әле эшләп килүче фельдшер-акушерлык пункты бинасы 1979 нчы елда төзелгән. ФАП урнашкан ике фатирлык аерым йорт җентекләп төзекләндерүне таләп итә. Һәм дә заманча таләпләр буенча бу бина хәзерге стандартларга туры килми. Төбәк сәламәтлек саклау министрлыгы яңа медицина үзәге төзергә булды.
Яңа фельдшер-акушерлык пунктында табиб эше өчен дә, пациентлар өчен дә барлык шартлар тудырылган. Биредә фельдшер кабул итү бүлмәсе, акушерлык, балалар, дәвалау һәм процедура бүлмәләре, килүчеләр өчен холл, санитар һәм көнкүреш бүлмәләре бар.
Яңа ФАПка барлык коммуникацияләр инде үткәрелгән, кайнар су, җылы санузел. Хәтта кондиционер да бар – бу эссе һавада табиб өчен дә, пациентлар өчен дә бик мөһим!
Тиздән яңа җиһазлар, инвентарьлар һәм мебель яңа ФАПка китереләчәк. Шулай ук Интернет та булачак. Ул фельдшерга район һәм өлкә хастаханәләре белән киңәшләшү өчен кирәк.
Газ тоташтыруга да бик аз калды. hәм ФАП лицензия алганнан соң, Яфар авылында яшәүче 423 кеше, өлкәннәр һәм балалар, яңа уңайлы бинага җирле табибка күренергә килә алачак.
Фәннур Гайсаров.
Оренбург өлкәсе
