Бүген Татарстан Республиксы Премьер-министры урынбасары, Бөтендөнья татар конгрессының Милли шура рәисе Васил Шәйхразиев эш сәфәре белән Ырынбур өлкәсендә.
Эшлекле сәфәр кысаларында Васил Шәйхразиев Ырынбур өлкәсе Вице-губернаторы-хөкүмәт рәисенең Эчке сәясәт буенча урынбасары В.И.Бәширова белән очрашты. Очрашуда шулай ук Оренбург өлкәсе Губернаторы аппараты һәм хөкүмәтенең Эчке сәясәт идарәсе рәисе Б.К.Ермеков, Ырынбур өлкәсе Төбәк татар милли-мәдәни мохтарияте җитәкчелеге катнашты. Очрашуда Милли шура рәисенә өлкә хакимияте вәкилләреннән төбәктәге татар милли-мәдәни оешмаларының эшчәнлеге, хакимият органнары белән мөнәсәбәтләре хакында мәгълүмат җиткерелде.
