Онытыла башлаган профессияләр яңара. Мич чыгаручы һөнәре дә шундыйларның берсе. Һәм бабаларыбызның әлеге хезмәте хәзер яшьләр арасында популярлаша башлады. Оренбурда яшәүче 28 яшьлек Дамир Манапов та борынгы һөнәрнең серләрен үзләштергән.

Дамир салган мичләр матурлыгы белән дә таң калдыра. 2018 елда “Балта бәйрәме” исемле Халыкара конкурста катнашып, мичче егет  беренче урынны яулый. “Кече учак” номинациясендә. Аның эше “Мичне иң яхшы бизәүче” онлайн конкурста да беренче урынны алды, дип хәбәр итә Оренбургтан Фирүзә Әпсәләмова.