Пензада “Татар кызы” Халыкара матурлык һәм талантлар бәйгесенең финалы старт алды, ул ел саен дөньяның төрле почмакларыннан сәләтле кызларны җыя.

Тантаналы чараны ачу өчен сүз Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыевка бирелде.

Конкурс финалы бай эчтәлекле һәм күпкырлы булырга охшаган. Быел бəйрəмне Татарстан Республикасының Дəүлəт җыр һəм бию ансамбле, Татарстан Республикасының халык артистлары Зəйнəб Фəрхетдинова, Вил Усманов, Алинə Шəрипҗанова, автор-башкаручы Илгиз Мөхетдинов, альтернатив музыка вəкиле Илгиз Шəйхразиев чыгышлары бизəячəк. Чараның алып баручылары: Айзилə Батырханова һəм Илнур Фəсхетдинов.