27 сентябрьдә Пензаның “Якташлар” исемле татар мәдәнияте җәмгыятенә 30 ел тулды. Шушы зур датаны бергәләп уздыру өчен җәмгыятнең элекке башкарма комитет әгъзалары мәҗлескә җыелды. Шулар арасында беренче оештыручы Кадир Муса Акҗегетов беренче рәис Асият Үмәр улы Дашкин иделәр.
Мәҗлеснең спонсоры, хәзергә вафат булган, өлкә җәмгыятенең рәисе Нәзиф Арифҗан улы Гильдеевның кызы Гөлия Гильдеева иде. Очрашу бик җылы атмосферада узды. Узган вакыйгаларны һәм бергә эшләгән иптәшләрне искә төшерделәр, һәм шулай ук вафат булган, бакый дөньяга күчкән җәмгыять әгъзалары исәбенә дога да кылынды.
Кадир Акъегет
