Тиздән Татарстанда иң якты һәм әһәмиятле бәйрәмнәрнең берсе — Сабантуй узачак. Бу көн чәчү эшләренең тәмамлануын символлаштыра һәм күп кенә кызыклы традицияләргә бай. Пәрәү авылында бу бәйрәмнең үзенчәлекләре аеруча игътибарга лаек.

Сабантуйның аерылгысыз атрибуты — сөлге.Сабантуйда ярышларда катнашучы батырларга чигелгән сөлгеләр тапшыралар. Сөлге — Сабан туеның гына түгел, татар халкының әләме дәрәҗәсенә күтәрелгән символы ул.

Клуб мөдире Фәридә Гомәрова болай ди: «Сөлгеләрне әле күптән түгел генә кияүгә чыккан кызлар чигәләр. Алар үз эшләренә бөтен җаннарын һәм талантларын салалар. Иң матур сөлгене беренче урынны алган батыр ала, аннан соң 2 һәм 3 урынны яулаучылар. Калган чигелгән сөлгеләрне без клубта саклыйбыз»

Бу гадәт бәйрәмгә үзенчәлекле атмосфера бирә һәм халык традицияләрен саклауның әһәмиятен ассызыклый. Чигелгән сөлгеләр Сабантуйны бизәп, татар халкының мәдәниятен буыннан-буынга тапшырып яшәвен дәвам итә.

Чыганак: laishevskyi.ru