Рәшит Ваһапов исемендәге халыкара татар җыры фестивале лауреатларының җәйге концертлары башланып китте. Гастрольләр Татарстан һәм Россия төбәкләре буенча гына түгел, хәтта чит илдә дә планлаштырылган. Бу көннәрдә алар Төркиядә.
Фотолардан күренгәнчә, Ранис Габбазовны җырлатып кына калмыйча, көрәш келәменә дә чыгарганнар. ” Османия авылында Төркиядә бүген искитмәле Сабантуй узды. Безнең татарлар бик матур яшәп яталар. Бергәләшеп җырлап утырдык, күңел ачтык”, ди Ранис үзе бу хакта.
