Бүген, 12 август көнне, «Болгар радиосы»нда Бөтендөнья татар яшьләре форумы рәисе Райнур Хәсәнов катнашында тапшыру узды. Әңгәмә барышында ул быелгы форум кысаларында көтелгән яңалыклар һәм программа белән таныштырды.
Программада дискуссия мәйданчыклары, иҗади лабораторияләр, мәдәни чаралар, танышу һәм тәҗрибә уртаклашу өчен форматлар каралган.
Аерым игътибарны «Печән базары» җәлеп итте: ул быел 4 көн үтәчәк. Проект кысаларында остаханәләр, музыкаль чыгышлар һәм башка мәдәни чаралар планлаштырылган.
