“Милләткә багышланган гомер”. Шул исемдә халкыбызның затлы, зыялы, милләтпәрвәр улы Самара өлкәсенең Гали авылы егете Рәсих Латыйпов истәлегенә хатирәлр җыентыгы әзерләнде. Ул февраль аенда “Ак бүре” китап нәшриятендә дөнья күрәчәк. Бу җыентыкта Рәсих турында истәлекләр, үзе исән вакытта матбугат битләрендә дөнья күргән язмалар урын алган. Төзүчесе – Татарстанның атказанган мәдәният хезмәткәре Гөлназ Шәйхи. Китап Гали авылында Рәсих Латыйпов истәленә багышлап  узачак “Халкым минем” иҗат фестивалендә катнашучыларга да бүләк ителәчәк.  Фестиваль 17 февраль көнне үтәчәк.