Бөтендөнья татар конгрессы Башкарма комитеты рәисе Ринат Закиров Муса Җәлил тууының 110 еллыгына чыгарылган истәлек медале белән бүләкләнде. Истәлек медален Чиләбе өлкәсе татарлары конгрессы башкарма комитеты рәисе Лена Колесникова тапшырды.

Истәлек медале Советлар Союзы Герое, шагыйрь Муса Җәлил тууының 110 еллыгына багышлап Чиләбе өлкәсе татарлары конгрессы тарафыннан оештырылган. Быел әлеге медальләр Көньяк Уралда күпмилләтле мәдәниятне үстерүдә, бөек шәхесләрне пропагандалауда һәм халыклар арасындагы дуслыкны ныгытуда ирешкән казанышлар өчен бирелә.