Бүген Казан Кремлендә ТАССРның 100 еллыгын бәйрәм итүгә әзерлек буенча оештыру комитеты, 2021 елда Татарстанда туган телләр һәм халыклар бердәмлеге елын үткәрү буенча оештыру комитеты, шулай ук милләтара һәм конфессияара мөнәсәбәтләр советының уртак утырышы узды. Чара барышында Татарстан Президенты Рөстәм Миңнеханов Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыевны ТАССР төзелүнең 100 еллыгы медале белән бүләкләде.