26–29 август көннәрендә Казанның тарихи үзәгендә – Иске Татар бистәсендә һәм Кабан күле яр буенда «Печән базары» татар мәдәнияте фестивале уза.

Бүген фестивальгә Татарстан Республикасы Рәисе Рөстәм Миңнеханов килде. Аны Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев озатып йөрде.

Алар биредә экспозицияләр белән танышты, катнашучылар белән аралашты һәм мондый мәдәни инициативаларны үстерүнең мөһимлеген ассызыклады.

Маркетта бары тик кулдан җитештергән һәм татар милли үзенчәлекләрен чагылдырган әйберләр тәкъдим ителгән. Маркет быел «Милләт Җыены» кысаларында уза. Монда катнашучылар өчен төрле чаралар, очрашулар, остаханәләр оештырылган.