2025 елның 26-28 мартында Бөтендөнья татар конгрессы XIII Бөтенроссия татар авыллары эшмәкәрләре җыенын уздыра. Бүген “Корстон” сәүдә-күңел ачу комплексында Татарстан Республикасы Рәисе Рөстәм Миңнеханов катнашында җыенның пленар утырышы уза.

Утырыш башланыр алдыннан Татарстан Республикасы Рәисе Россия Федерациясе төбәкләрендә җитештерелгән продукция һәм халык кәсебе товарлары күргәзмә-ярминкәсе белән танышты.  Күргәзмә кысаларында берничә юнәлеш тәкъдим ителде: милли кием, милли аш-су, махсус хәрби операциягә багышланган зона, төрле районнардан чәк-чәкләр, милли сувенирлар, татар брендлары һ. б.