Бүген Татарстан Республикасы Президенты Рөстәм Миңнеханов Татарстан Республикасы Мөселманнарының диния нәзарәте рәисе, мөфти Камил хәзрәт Сәмигуллин белән очрашты.
Очрашу Татарстан Республикасы Хөкүмәте йортында узды.
Яклар бәйрәм белән котлаштылар. Аерым алганда, Рөстәм Миңнеханов мөселманнарның җәмәгать оешмаларының бу катлаулы чордагы хәйрия эшчәнлеге өчен рәхмәт әйтте. Татарстан мөселманнары бик күп мохтаҗларга рухи һәм матди ярдәм күрсәтү өчен мөмкинлекләр таптылар һәм ифтар җыелмаларын әзерләүдә шәхсән катнаштылар.
«Республика мөселманнарына чын күңелдән рәхмәтлемен, алар, православие һәм башка традицион диннәрдәге вәкилләр белән бергәләп, Аллаһ һәм җәмәгать каршындагы җаваплылыкны тулысынча аңлыйлар һәм кешеләрне яратуны һәм күрше хакын карышусыз үтиләр», – диде Рөстәм Миңнеханов.
Моннан тыш, очрашу барышында ТВ буенча Россия төбәкләрендә гаетне бәйрәм итү турында яңалыклар күрсәттеләр – репортаж Татарстан мисалыннан башланды һәм анда Камил хәзрәт тә катнаша.
Гает вәгазенең турыдан-туры трансляциясе телевизион онлайн-режимда оештырылган. Аннары Камил хәзрәт Рөстәм Миңнехановка ае йомгаклары турында сөйләде. «Рамазан чоры республикада катлаулы санитар-эпидемиологик хәлләргә туры килүгә карамастан, илдә һәм дөньяда, бу изге айның 30 көне Татарстан өммәсе өчен уңышлы узды. Мәчетләргә йөрергә ярамау һәм массакүләм чараларны тыю Рамазан ае шатлыгын киметә алмады, мохтаҗларга ярдәм итүдә киртә була алмады», – диде Камил хәзрәт. «Рамазан – хәерле гамәлләр ае» хәйрия марафоны быел киң колач белән узды, диде ул.
Моннан тыш, Татарстан Президенты белән әңгәмә барышында ТР МДН башлыгы соңгы мөфтиятнең 12 ай эчендә эшчәнлеге нәтиҗәләре турында сөйләде. Ул ассызыклаганча, Каләм Шәриф мәгънәләре татар һәм рус телләренә тәрҗемә ителде, Мәскәүдәге татар җәмәгатьчелегенә, шулай ук Махачкаладагы уңышлы тәкъдир ителде. 2020 ел Татарстанда мөфтият тарафыннан Туган тел елы дип игълан ителгән. Камил хәзрәт Татарстанның 20 мәчетендә оештырылган татар теле курслары нәтиҗәләренә дә тукталды.
Бүгенге очрашуда тагын Татарстан Республикасы Президенты Аппараты җитәкчесе Әсгат Сәфәров тә катнашты.
ТР Президенты Матбугат хезмәте
