Себердә бу атнаның ял көнендә милләттәшләребез татар әдәбияты, татар мәдәнияте көннәрен ничек үткәрергә җыена?

– Сургутта Г.Тукайның тууына 132 ел тулу уңаеннан оештырылган ачык дәрес;

– Мегионда “Болгар”иҗтимагый татар – башкорт оешмасы “Гаилә кыйммәтләре” дип исемләнгән зур концерт оештыра;

– Нижневартовск, Когалым шәһәрләрендә Татар Дәүләт җыр һәм бию ансамбле(Казан) халкыбызның мәдәнияты-сәнгате белән таныштырачак.

Татар мәдәнияте һәм әдәбияты көннәренең төп максаты – Себер төбәгендә яшәгән милләттәшләрне берләштерү. Халкыбызның туган телен, мәдәниятен, гореф-гадәтләрен саклау мәсьәләсенең торышын ачыклау, тирә-як шәһәрләрдә гомер кичерүче милләттәшләребездә татар теленә хөрмәт тәрбияләү, башка милләтләрне татар халкының бүгенге көнгә кадәр мирас булып килгән мәдәнияты-сәнгате, халык моңнары белән таныштыру. Әлеге чарага Казаннан да зур кунаклар көтелә.

Сургутның татар милли-мәдәни мохтарияте