Бүген, 2 ноябрьдә, Курган өлкәсенең Шадринск шәһәрендә Татарстан Республикасы сәнгать осталары катнашында концерт узды.
Чарада Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев катнашты. Ул концерт тамашачыларын сәламләде һәм Бөтендөнья татар конгрессы бүләкләрен тапшырды.
Шулай ук сәламләү сүзе белән Курган өлкәсе губернаторы урынбасары Константин Ермаков һәм Курган өлкәсенең Шадринск шәһәре башлыгы Антон Мокан чыгыш ясадылар.
Тамашачылар алдында Татарстан Республикасының халык артисты Резеда Шәрәфиева, Татарстан Республикасының атказанган артисты Марат Галимов, халыкара конкурслар лауреаты Рөстәм Егоров, Татарстан Республикасының атказанган сәнгать эшлеклесе Айгөл Нәбиуллина чыгыш ясады.
