Бүген Бөтендөнья татар конгрессы Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров Татарстан Кулланучылар берлеге идарәсе рәисе Шаймарданов Рашат Рифкат улын “Татар милләтенә күрсәткән олы хезмәтләре өчен” “Бөтендөнья татар конгрессы” Халыкара Берлеге медале белән бүләкләде.

Рашат Шаймарданов 1959 елның 11 июлендә Татарстан Республикасының Мөслим районы Мөслим авылында туган. 2002 елда Мәскәү кулланучылар кооперациясе университетын тәмамлаган. ТРның атказанган сәүдә хезмәткәре (1996), РФ Кулланучылар кооперациясе ветераны (2009). РФнең Атказанган сәүдә хезмәткәре (2010).