Биредә Люция белән Руслан Габдрахмановлар хуҗалыгында авылдашлары белән бергә 14 каз эшкәрттеләр. Каз өмәсе кунакларны, авылдашларны каршы алу белән башланып китте. Һәрбер эш бүленеп йоласына туры китереп башкарылды.

“Элекке елларда безнең авылда һәр йортта күпләп каз асрыйлар иде. Хәзер сирәгәйде, шуңа да авыл халкы белән бергә җыелып, әби-бабайдан килгән йолаларны, гореф-гадәтләрне яңартырга булдык. Яшьләргә дә өйрәттек. Барысына да рәхмәт,-диде Шәмәк авылын яшәтүче Россия федерациясе Дәүләт думасы депутаты Марат Нуриев.

Район мәдәният бүлеге җитәкчесе Рөстәм Мингазиев район башлыгы исеменнән рәхмәтен ирештерде.

Чыганак: apastovo.ru