28 нче февральдә Шәриф Камал исемендәге әдәби премия лауреатлары билгеле булачак.
2022 ел өчен Ш.Камал әдәби премиясе ике номинациядә һәм ике яшь төркемендә 4 лауреатка тапшырылачак. Һәр премиянең күләме — 50 мең сум.
Ш.Камал премиясе 2020 елда Татарстан Республикасы Мәдәният министрлыгы һәм Татарстан Республикасы Милли музее тарафыннан оештырылды. Премия 14 — 30 яшьтәге прозаиклар һәм тәрҗемәчеләрне барлау, аларга үсү өчен юнәлеш бирү, иҗатларына ярдәм итү максатыннан булдырылды.
Премия тапшыру тантанасы 28 февраль, сишәмбе көнне, 13:00 башланачак. Тантана Татар китабы йортында үтә (Казан, Островский урамы, 15).
