Шәриф Камал исемендәге Әдәби премиягә эшләр 2024 елның 19 маена кадәр кабул ителә.

Премиягә 14 — 30 яшьлек язучылар һәм тәрҗемәчеләр дәгъва итә ала. Һәр премиянең күләме — 50 000 сум.

Проза юнәлешендә күләме 20000 тамгадан артмаган хикәя яки новеллалар, яисә күләме 40000 тамгадан артмаган повесть яисә «нон-фикшн» стилендәге проза әсәрләре кабул ителә.

Тәрҗемә юнәлешендә 2024 елда Шәриф Камалның «Ике яхшы» хикәясенең инглиз, алман яисә төрек теленә тәрҗемәләре кабул ителә. Әсәр тексты түбәндә беркетелгән: https://disk.yandex.ru/i/SfSP-D_IZEVuhA

 Гаризалар һәм эшләр Яндекс.Форма аша түбәндәге сылтамадан җибәрергә кирәк: https://forms.yandex.ru/u/66153ee5505690161f4fffc7/

Премияне тапшыру тантанасы 2024 елның май ае ахырында үткәрелә.

Белешмәләр өчен: 8 (843) 590-80-67, 8 (843) 590-80-66
[email protected]

Чыганак: Татар китабы йорты