Кичә, 5 сентябрь көнне, Согуд Гарәбстанының Хаҗ һәм гомрә эшләре министры Тауфик Фавзан Аль-Рабиа Татарстан башкаласына килде. Аны Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев каршы алды.
Бүген, 6 сентябрьдә, Васил Шәйхразыев Казанның мәртәбәле кунагын программа буенча озата барачак. Сәфәре кысаларында Тауфик Фавзан Аль-Рабиа Казан Кремлендә, Кол Шәриф мәчетендә һәм ислам музеенда булачак, шулай ук Б.Рәмиев исемендәге ИТ-парк белән танышачак.
