Якташыбыз, күренекле татар шагыйре, язучы Җәүдәт Дәрзаманның тууына 80 ел тулуны аның туган авылында – районыбызның Сугышлы авылында билгеләп үтәчәкләр.
Әлеге чара шәһәрнең Г.Тукай исемендәге үзәк китапханәсе һәм Сугышлы авылы китапханәсе белән, шулай ук Ш.Бикчурин исемендәге “Чишмә” әдәби берләшмәсе белән берлектә узачак.
“Туган як горурлыгы” дигән әдәби-музыкаль кичәгә Казан, Әлмәт язучылары, шагыйрьләре килер дип көтелә.
Чара авыл мәдәният йортында 16 октябрьдә булачак, 11.00 сәгатьтә башлана.
Чыганак: zamansulyshy.ru
