Кичә Казанда Татарстан Халыклар дуслыгы йортында «ТАССР төзелүгә 100 ел» дигән истәлекле билге тапшыру тантанасы узды. ТР Дәүләт Советы Рәисе, Татарстан халыклары Ассамблеясы Советы Рәисе Фәрит Мөхәммәтшин милли-мәдәни автономияләр җитәкчеләренә бүләкләр тапшырды.
«100 ел эчендә республика үз үсешендә җитди адым ясады, — дип ассызыклады Фәрит Мөхәммәтшин, – Татарстан бүген – Россия Федерациясенең төрле тармакларындагы күп кенә күрсәткечләр буенча лидер төбәкләре арасында. Без ирешкәннең барысы да хезмәт сөючән күпмилләтле халык тарафыннан булдырылган».
Фәрит Мөхәммәтшин республикада милләтара тынычлыкның һәм татулыкның Аерым Атмосферасын формалаштыруга милли-мәдәни автономияләрнең зур өлеш кертүен билгеләп үтте. «Бу процессларда сезнең катнашуыгыз безнең өчен бик мөһим һәм кыйммәтле, — диде ул, – тынычлык һәм татулык – безнең республиканың югары казанышларына нигез».
Хәзерге вакытта Татарстан халыклары Ассамблеясе 240 тан артык милли-мәдәни иҗтимагый берләшмәне берләштерә. Район башлыклары инициативасы буенча республикада Ассамблеянең 19 вәкиллеге, 12 йорт һәм Халыклар дуслыгы үзәкләре нәтиҗәле эшли.
