Татарстан Республикасы Президенты каршындагы Татар телен саклау һәм үстерү мәсьәләләре комиссиясе һәм Татар дәүләт филармониясе «Галиҗанәп шагыйрь» циклыннан Хәсән Туфан иҗатына багышланган әдәби-музыкаль кичә тәкъдим итәләр.
Чара 15 март көнне 18.30 сәгатьтә башлана.
Программада: күренекле җырчылар, сүз осталары, әдипләр башкаруында Хәсән Туфан шигырьләре һәм аларга язылган җырлар, шагыйрь турында истәлекләр.
Концертка керү чакыру билетлары буенча. Билетларны Филармония кассасында алырга мөмкин.
Тулырак мәгълүмат 8 (843) 21-21-404 телефоны буенча.
