Хәзерге минутларда “Башкортстан” дәүләт концертлар залында халыкара “Татар кызы-2017” бәйгесенә багышланган матбугат конференциясе уза.

Президиум составында Татарстан Республикасы премьер-министр урынбасары, Бөтендөнья татар конгрессының “Милли шура” рәисе Васил Шәйхразиев, Бөтендөнья татар конгрессы Башкарма комитеты җитәкчесе Ринат Закиров, Башкортстан Республикасының мәдәният министры урынбасары Әнис Алтынбаев, Халыкара “Татар кызы-2017” дирекциясе җитәкчесе, Чиләбе өлкәсе татар конгрессы рәисе Лена Колесникова, Башкортстанның “Берлек” татар иҗтимагый оешмасы җитәкчесе Рөстәм Гыйльметдинов һәм “Татар кызы-2016” конкурсы җиңүчесе Эдельвейс Ихсанова.

Матбугат конференциясендә Татарстан журналистлары да катнаша.