Оренбург өлкәсенең Татар Каргалысында 4 кыз “Татар кызы” исеменә лаек булу өчен конкурста катнашты. Бәйгенең төп оештыручысы җирле “Ак калфак” оешмасы белән мәдәният йорты. Туташларга җиңү яулау өчен күп кенә сынауларны узарга кирәк иде.
Татар кызы җыр-биюгә осталыгын, гыйлемле, тапкыр булуын, аш-суга әзерләүгә кулы ятып торуын да күрсәтергә тиеш. Жюри чибәр туташлар арасыннан “Татар кызы” исеменә лаек дип Азалина Янбулатованы билгеләде. Ул үз көчен 20 мартта, өлкә бәйгесендә сыный ала.
