23, 24, 25 ноябрьдә 22.00дә ТНВ телеканалында «Татар моңы» халыкара телевизион яшь башкаручылар конкурсының  II сайлап алу туры үтте.  Быелгы конкурска 302 гариза керде. Шуларның   156сы – Россиянең төрле төбәкләреннән, 146сы – Татарстан Республикасының муниципаль районнарыннан.  II турга 74 конкурсант узды.  Шуларның 30ы –  Россия Федерациясе төбәкләреннән һәм БДБ илләреннән.

2015 елда I тур 8 шәһәрдә –Ташкент, Мәскәү, Санкт-Петербург, Уфа, Дүртөйле (Башкортостан), Казан, Алабуга, Зәйдә узды.

«Татар моңы»ның йомгаклау концерты 29 ноябрьдә 18.00дә  «Пирамида» да була.

 Татарстан Республикасы
Мәдәният министрлыгының
Матбугат хезмәте