“Татар радиосы” 23 июль көнне 8:30да 450 м биеклегеннән авиаэфирга чыгачак.
Бу радионың эшчәнлеге дәверендәге иң кыю проект.
Алып баручылар самолет бортыннан эфирга чыгып, 100.5fm ешлыгында тапшыруны башлап җибәрәчәк!
23 июль көнне 8:30да юморист Рамил Шарапов һәм диджей Рамил Шәрәфиев 450м биеклегендә пилот кабинасында булачак.
Радиотыңлаучылар чын очышның хис-тойгыларын сизә алачаклар; үз-үзләрен виртуаль рәвештә самолет бортында тоя, Казанның матурлыгын күрә алачаклар.
@tatarradiosi инстаграм битендә һәм 100.5fm дулкыннарында туры эфирлар алып барылачак.
– Кушылыгыз! Сезне кыскача гына самолетны йөртү дәресе, позитив хисләр, дөньяга горизонт ягыннан караш көтә. @letai.s.nami партнерыбыз белән бергә без сезгә күк, киңлекләр, матурлыклар һәм ирек бүләк итәбез!, — дип чакыра радио хезмәткәрләре.
