“Татарча диктант” акциясенә һәм Милли кием көненә Бөтендөнья татар конгрессы вәкиллеге каршындагы Башкортстанның “Агыйдел” яшьләр клубы да кушылды. “Үзебезнең булдыклылыкны исбат итәргә омтылдык. Әлеге катлаулы дәвердә бергә җыелыша алмасак та, онлайн рәвештә яздык. Белемебезне тикшереп карауга чиксез шатбыз!” дип хәбәр итте бу хакта “Агыйдел” яшьләр клубы рәисе Юлай Низаев.

Диктант язган мәйданнар арасында Башкорт дәүләт университеты һәм аның Стәрлетамак бүлекчәсе, Башкорт дәүләт педагогия университеты, татар гимназияләре һәм башка урыннар бар.

Тулпар журналы, Юлай НИЗАЕВ һәм Лилия СӘГЫЙДУЛЛИНА фотолары.