Бүген Татарстан башкаласына Екатеринбург шәһәреннән зур делегация килә. Кунакларны Бөтендөнья татар конгрессы Башкарма комитетының татар яшьләре белән эшләү комитеты җитәкчесе Ленария Мөслимова һәм Бөтендөнья татар конгрессы Милли Шура рәисенең икътисад мәсьәләләре буенча киңәшчесе Айдар Абдрахманов каршы алачак.

IT технологияләр, мультимедиа, авыл хуҗалыгы, машина төзелеше тармагы хезмәтчәннәре 3 көн дәвамында Казанда булачак. Делегация составында Татарстан Республикасының Свердловск өлкәсендәге Даими вәкиле урынбасары Фәвия Сафиуллина да бар.