Татарстан Рәисе Рөстәм Миңнеханов Алексеевск районының Биләр авылы янындагы «Сәләт» форумы мәйданчыгында булды. Аны «Сәләт» яшьләр үзәге ДБУ директоры Айгөл Габдрахманова, ТР яшьләр эшләре министры Ринат Садыйков, ТР мәгариф һәм фән министры Илсур Һадиуллин, ТР мәдәният министры Ирада Әюпова озата йөрде.

2024 елда «Сәләт» форумы бөтен Татарстан Республикасыннан, шулай ук Россия төбәкләреннән һәм якын һәм ерак чит илләрдән 14 меңгә якын талантлы яшь вәкилен җыячак. Форум кунаклары арасында: күренекле фән, мәдәният, сәнгать эшлеклеләре, танылган җәмәгать эшлеклеләре һәм спортчылар. Барлык сменалар кысаларында әйдәп баручы экспертлар һәм галимнәрдән, мәдәният һәм сәнгать эшлеклеләреннән офлайн һәм онлайн мастер-класслар, шулай ук һөнәри күнекмәләр лабораторияләре, тотрыклы үсеш һәм җәмгыятьне цифрлы трансформацияләү максатлары буенча тематик мәйданчыклар планлаштырылган. Рөстәм Миңнеханов форумның фестиваль мәйданчыклары эше белән танышты. Ул кулинария остаханәсендә, татар телен популярлаштыру өчен ИТ-хәл ителешләр булдыру буенча белем бирү лабораториясендә булды.

Источник: rais.tatarstan.ru