Бүген, 19 март, «Казан-Экспо» үзәгендә ТР мөселманнары Диния Нәзарәтенең IX Корылтае уза. Чарада Татарстан Республикасы Рәисе Рөстәм Миңнеханов, Татарстан мөфтие Камил хәзрәт Сәмигуллин, Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев, Россия мөселманнарының Үзәк Диния нәзарәте рәисе, Россиянең баш мөфтие Тәлгать хәзрәт Таҗетдин һәм башкалар катнашалар.
Көн тәртибендәге төп мәсьәлә – Татарстан мөфтиен һәм Татарстан баш казыен сайлау. Моннан тыш, катнашучылар ТР мөселманнары Диния нәзарәтенең соңгы дүрт елдагы эшчәнлегенә йомгак ясаячаклар, казанышлар һәм киләчәккә планнар турында фикер алышачаклар.
