XVIII «Татарстанның эшлекле хезмәттәшләре» форумының мәдәни өлеше кысаларында делегатлар Татарстан Республикасының халык рәссамы Әхсән Фәтхетдинов музеенда булдылар. Әлеге сәфәр кунакларга татар сәнгатенең асылына төшенергә, зур рәссамның иҗади мирасы белән якыннан танышырга мөмкинлек бирде.

Делегатларны музей хезмәткәрләре каршы алдылар һәм рәссамның тормыш юлы, иҗатының үзенчәлекләре, татар сынлы сәнгатенә керткән өлеше турында сөйләделәр. Кунаклар авторның милли гореф-гадәтләр, татар авылы, рухи тамырлар темаларына багышланган әсәрләрен күрделәр.