«Татмедиа» галереясендә Казанның танылган фотографы, Татарстанның фотоелъязмачысы Фәрит Гобәевның «Һөнәрендә ярты гасыр» күргәзмәсе ачылды. Аклы-каралы 25 фотода илдә соңгы ярты гасырда булган вакыйгалар чагылдырылган.
«Татмедиа» акционерлык җәмгыяте генераль директоры Шамил Садыйков сүзләренчә, Фәрит Гобәевның юбилее (15 июльдә аңа 70 яшь тулды) — бу җәйнең төп вакыйгасы. Фотограф үзе — Татарстан фотосурәте тарихында тулы бер күренеш, диде ул.
«Ул Казанның ХХ гасырның 70нче, 80нче, 90нчы еллары тарихын, Татарстан журналистикасы тарихын, бу бинада узган вакыйгаларны сурәтләгән кеше. Аның иң кыйммәтле фотосурәтләрен „Татмедиа“га бүләк итүе – зур сөенеч. Без күргәзмәне монда оештырдык, әмма бу уникаль, кыйммәтле фоторәсемнәрне тагын каядыр кую мөмкинлеге булыр дип уйлыйбыз. Бу байлыкны саклап калуыгыз өчен рәхмәт! Бу, чыннан да, барыбыз өчен дә, татарстанлылар өчен дә зур капитал. Һәм без бу фотокүргәзмә белән бөтен Казанны таныштыру турында уйларбыз», — диде Шамил Садыйков күргәзмәне ачып.
Юбиляр, үз чиратында, алга таба да үз фотоларын «Татмедиа» архивларына тапшырырга планлаштыруын әйтте. «Бу күргәзмәдә 50 еллык тарих, һәм монда бер генә очраклы эш тә юк. Һәр эш артында искиткеч очрашу тора. Мин журналист профессиясенә рәхмәтле, ул мегадәрәҗәге йолдызлар кабинетына яки кунакханә номерына керергә мөмкинлек бирә», — дип белдерде хәзер «Казан» журналы өчен төшерүче фотограф.
Фәрит Гобәев Казанның опера театрында Рудольф Нуриевны, «Зеленый Бор» ял базасында Юрий Гагаринны, Казанда Тарковскийны һәм башка танылган шәхесләрнең эксклюзив фотосурәтләре авторы.
Татарстан башкаласына 2014 елда визиты вакытында Евгения Евтушенконың соңгы фотоларының берсен, 1986 елда яшь София Гобәйдуллина һәм башка фотоларның да авторы ул. Ул балигъ булмаганнар өчен колониядә дә фото ясаган, 1987 елда Мәскәүдәге Съездлар сараенда рок-концертны төшергән. Фәрит Гобәев әйткәнчә, иң яратканы һәм бетмәс-төкәнмәс тема — Сабантуй.
Татарстанның Беренче Президенты Минтимер Шәймиевнең шәхси фотографы Михаил Козловский булуга карамастан, Фәрит Гәбәевка аның белән беррәттән 2004 елда Минтимер Шәймиевне шәхсән төшерергә рөхсәт ителә. Рөхсәт ителгән 20 минут урынына процесс ике сәгатькә якын дәвам итте, ди ул.
Оксана Романова
