Теләче районы Иске Җөри урта мәктәбе оештырган әлеге бәйгедә районыбыз мәктәпләреннән килгән 10 кыз төрле юнәлештә үзләренең осталыкларын күрсәттеләр.
«Татар кызы» — халыкара матурлык, сәләт һәм милли традицияләр бәйгесе ул. Аны үткәрүнең төп максаты — татар кызларының күркәм сыйфатларын һәм осталыгын күрсәтү, татар халкының гореф-гадәтләрен, телен, мәдәниятен саклау һәм үстерү.
Бәйгедә катнашкан кызларның һәрберсе “Иң сылу кыз”, “Иң моңлы кыз”, “Иң шаян кыз” һ.б. номинацияләрдә җиңү яуладылар, ә “Татар кызы” исеменә Олы Нырсы урта мәктәбеннән Фадеева Азалия лаек булды.
Чыганак: https://tulachi.ru
