Төмән һәм Омск өлкәләре Татарстаннан зур гуманитар ярдәм партиясен кабул иттеләр. Йөк составында азык-төлек һәм эчә торган су бар. Фуралар Төмән өлкәсенең Вагай районына һәм Омск өлкәсенең Усть-Ишем районына су басудан зыян күргәннәргә Бөтендөнья татар конгрессы һәм татар иҗтимагый оешмалары активы катнашында Татарстан Республикасы Рәисенең йөкләмәсе буенча җибәрелде. Район башлыклары һәм җирле халык Татарстан Рәисе Р.Н. Миңнехановка һәм Татарстан Республикасы Премьер-министры урынбасарына, Бөтендөнья татар конгрессының Милли Шура рәисе В.Г. Шәйхразыевка күрсәткән ярдәмнәре өчен чын күңелдән рәхмәтләрен белдерделәр.