Төмәннең Татар мәдәни үзәге ачык ишекләр көне уздыра. Бу хакта үзәкнең социаль челтәрдәге төркемендә хәбәр ителә.
Кунакларны Татар үзәгендә 21 сентябрь көнне иртәнге 9.00да көтәләр. Биредә түгәрәкләргә язылу, түгәрәк җитәкчеләре белән танышу, Татар мәдәни үзәге бинасы буйлап экскурсия уздыру күздә тотыла.
Ачык ишекләр көне сәгать 19.00дә концерт программасы белән тәмамланачак, диелә хәбәрдә.
