Төмән татарлары 28 мартта “Искиткеч әбиләр – 2018” шәһәр татар фестиваль-бәйгесен уздырачак. Конкурсны Төмәннең Татар мәдәнияте үзәге оештыра.
Конкурсның максаты – үсеп килүче буынны тәрбияләүдә өлкәннәрнең ролен арттыру, гаилә кыйммәтләрен һәм татар халкының традицияләрен торгызу.
Конкурсның бурычлары:
- Гаилә мөнәсәбәтләре культурасын тәрбияләү
- Гаиләләрнең социаль һәм иҗади инициативасын хуплау
- Гаилә кыйммәзтләрен һәм традицияләрен үстерү
- Буыннан-буынга күчешне тәрбияләү
- Яшькә карамастан кеше мөмкинлекләре потенциалын ачу
Конкурста әби булган, милли традицияләрне уңышлы саклап килгән – туган телдә аралашкан, милли традицияләр нигезендә гаилә бәйрәмнәре үткәргән, татар милли ашларын әзерли белгән хатын-кызлар катнаша.
Җиңүчеләр түбәндәге номинацияләр буенча билгеләнәчәк:
«Иң ягымлы әби–2018»
«Иң сәләтле әби–2018»
«Иң игелекле әби–2018»
«Иң кызыклы әби–2018»
«Иң тапкыр әби–2018»
«Иң уңган әби–2018»
«Иң кайгыртучан әби–2018»
«Иң тыйнак әби–2018»
«Иң мәрхәмәтле әби – 2018»
«Иң дәртле әби – 2018»
«Иң гүзәл эби— 2018»
«Иң рухлы әби— 2018»
«Оныкларга бай әби – 2018»
«Иң шаян әби – 2018»
