Төмәннең “Туган телем” әдәбият-сәнгать түгәрәге кабат эшен яңарта. Бу хакта Төмән Татар мәдәни үзәге хәбәр итә.
Түгәрәкләргә 5 яшьтән алып балалар һәм өлкәннәр чакырыла. Балалар өч төркемгә: 5-9 яшьлекләр, 10-14 яшьлекләр, 14-17 яшьлекләр бүленеп шөгыльләнәчәк. Олылар өчен аерым дәресләр каралган.
Дәресләр һәр шимбә уздырылыр дип планлаштырыла. Балаларга түгәрәккә йөрү бушлай, 18 яшьтән өлкәннәр өчен айлык түләү каралган.
