Бүген кич, Төмәннең татар мәдәнияте үзәгендә Төмән өлкәсе татар яшьләре үзәге “Зөләйха” нәфис фильмын каруны оештыра.
Билгеле булганча, бу фильм татар әдәбияты классигы Гаяз Исхакый әсәрләренә нигезләнеп төшерелгән. Фильм сюжеты татар тарихының кара битләре – көчләп чукындыру чорына карый.
Рамил Төхфәтуллин төшергән фильмда танылган татар артистлары: Илсөя һәм Рамил Төхфәтуллиннар, Шәүкәт Биктимеров, Гафур Каюмов һәм башкалар төшкән.
